Kum khat tang tur leh nuai 24 chawi turin hrem

Eiruka thubuaia thiamloh chantir National Rural Health Mission (NRHM) Mission Director hlui Dr. N. Pallai chu kum khat (1) tang tur leh cheng nuai 24 chawi tura a hrem a ni.

Aizawl District Court-a Special Judge (Prevention of Corruption Act) Dr. HTC. Lalrinchhana chuan Dr. N. Pallai hi kar hmasa Zirtawpni-a thiamloh a chantir hnuah nimin khan hremna tur puangin thubuai pali-a thiamloh a chantirna ah hian kum khat lung In tang tur leh cheng nuai 24 chawi tur hian tiin pawisa hi a pe thei lo a nih chuan kum 12 a tan belh dawn bawk a ni.

Tarlan tawh angin PRISM President leh General Secretary te chuan January 13, 2010 khan Anti Corruption Bureau (ACB)-a FIR thehlutin ACB chuan an chhui a, an thil hmuhchhuahte Court-ah an thehlut a, Court chuan August 11 khan Dr. N. Pallai chu thiamloh a chantir a.Dr. N. Pallai hian a tak taka huaihawt si loin tum 4 lai zirhona (workshop) a buatsaih a, chu'ngah chuan Rs. 4,19,360 eiru ah puh a ni a. Health Sub-Centre 10 siamna Rs. 35,40,000 eiru ah leh PHC thawmthatna sum Rs. 9,50,000 eiruah puh a ni bawk a, heng puhna ah te hian thiamloh chantir a ni.

Dr. N. Pallai hi eiruk thubuai dangah May 12, 2023 khan thiam loh a lo chantir tawh a, kum 4 chhung Jail-a tang tur leh Rs. 24,00,000 chawi turin a hrem tawh bawk a ni.