Agriculture Minister in sawrkar laipui hotute a kawm

Agriculture Minister C. Lalrinsanga chuan kar kalta chhung khan kuthnathawktute hmasawn zel dan tur sawipuiin sawrkar laipuia hotu pawimawhte a kawm.

Agriculture Minister hian Ningani khan Union Minister of State for Agriculture Kailash Choudhury chu a chenna In-ah kawmin Mizoram mamawh hrang hrangte a sawipui a. Mizorama KVK thar dinna turah pawh EFC report engkim peihfel a nih tawh thu leh Cabinet approval nghah mek a ni tih Union Minister hian a lo hrilh a ni. Hemi chung-changah hian ICAR Agriculture Extension DDG Dr. AK. Singh hmu zui nghalin, Cabinet approval an hmuh veleh a ranglama bawhzui a nih tur thu a lo hrilh bawk a ni.

Zirtawpni khan Union Power Secretary Pankaj Agarwal hmuin nizung chakna (solar power) hmanga khawpui tih hmasawnna te sawiho niin, Ministry of New and Renewable Energy hnuaia PM Kusum, Solar Water Pump khawl hmanga kuthnathawktu ten awlsam zawk a tui an lak theihna tur scheme chungchanga harsatna te a hrilh a. Union Secretary hian a rang lama chinfel a nih tur thu a hrilh a, kuthnathawktuten a rang lama Solar Water Pump an neih theihna tura Ministry lamin tihfel ngai tlem an la neihte chu a rang lama tifel vat turin a ngen nghal bawk a ni.

Comments

Popular News (Last 30 Days)

Vawiin-ah HSSLC Exam result

LPG man bithliah thar