Ration Card 19,493 awm

Serchhip DCSO hnuaiah Ration Card 19,493 awm mekin heng Ration Card hmanga Supply Department kaltlanga hamthatna dawngtu mi 81,810 an awm mek bawk. Supply Department in an chhianchhiahna atanga a lan danin Serchhip DCSO hnuaiah hian AAY Ration Card (Card Eng) nei 1958 awmin heng ah hian beneficiary 5183 an awm a, PHH hnuaiah Ration Card (Card Hring) 10,400 awmin beneficiary 46,613 an awm bawk a. Non-NFSA hnuaiah Ration Card (Card Var) 7135 awm bawkin beneficiary 30,014 an awm bawk a ni. Mizoram sawrkar chuan Myanmar atanga Serchhip District-a rawn raltlan mi 1534 te tan buhfai quintal 89 a pechhuak tawh bawk a ni.