Prime Minister-National Apprenticeship Mela (PMNAM) Serchhip-ah neih a ni
Serchhip DC Conference Hall-a PMNAM neih hi Serchhip DCOffice-a SDC Lalhruailiana Zote chuan kaihruaiin LESDE Department in he hun hi buatsaih tura a tih angin District Skill Development Committee in he hun hi a buatsaih thu a sawi a. He hun hmanpuitu Serchhip Addl. DC James Lalnithanga chuan Mizoram District 11 zinga District 10-ah Prime Minister National Apprenticeship Mela hi neih a nih tawh thu leh Serchhip District-a neih hi a tawpna ber tur a nih thu a sawi a. Hun chawpchilh taka he hun hi buatsaih a nih avangin a tel awm tak tak tel lo te pawh an awm theih thu sawiin, Skill Development kaihhnawih a nih avangin he huna tel te chu an thil zir te an nun leh khawsakna ah an chhawr tangkai zui ngei theih nan rilru pe taka hun hmang tur leh hlawkpui tum ngei turin a chah bawk.
Serchhip District-a PMNAM-ah hian LESDE atangin Samuel F. Lalremruata, Consultant, State Apprenticeship Monitoring Cell (SAMC) chuan kalkhawmte zirtirna pein LESDE hmalakna hrang hrang a tarlang a. Ministry of Skill Development and Entrepreneurship-in thla tin Thawhtanni vawihnihna-ah PMNAM a buatsaih dawn thu leh hei hi August 18, 2016-a Scheme siam National Apprenticeship Promotion Scheme promote nan a nih thu a sawi. He scheme hian Apprentice te'n stipend 25% an dawn theih chu direct-in employer/chhawrtu te'n an reimburse thei a, Skill training nei lawksa lote tan basic training neihna man a tumpui theih thu te pawh a sawi bawk a ni.
He Scheme-in a tum thiamthil mila eizawn dan tur inzirtirna te, an zir theih dan te, zir zawh hnua hnathawka rawih dan te, thlabi hlawh te, Scheme atanga hamthatna an dawn theih dan bakah registration dan leh training kalphung te a sawifiah bawk a. Sawrkar ruahman dan chuan kum tin mi nuai 10 tal training pek tum a nih thu leh kum 2026-ah chuan mi nuai 60 te chhawr tlaka chherchhuah tum a nih thu sawiin, hei hian thalai hnathawh tur nei lo a tihtlem dawn thu a sawi bawk a. Ani bakah hian Mahatma Gandhi National Fellow, Ministry of Skill Development Entrepreneurship Govt. of India atangin Vikas Walke pawhin thu a sawi bawk a ni.
Comments
Post a Comment