Serchhip-ah Congress Party in ‘Operation E -Roll’ an nei

Serchhip Block Congress Committee chuan nimin khan Serchhip Hmar Veng YMA Hall-ah ‘Operation E -Roll’ neiin Assembly inthlanpui neih tur atana inbuatsaih dan tur hrang hrang an zirho.

Serchhip Block Congress Committee President Lalramnghaka Kawlni kaihhruaia he hun hman hi Mizoram Pradesh Congress Committee (MPCC) atangin Secretary Rev. LR. Colney leh Organiser Thangliankhuma te chuan an rawn hmanpui a, he hunah hian Serchhip-a Unit hrang hrang leh Mahila bakah Upa Wing atangin mi pakhat theuh tel tura beisei niin mi 50 dawn an tel a, inthlanpui neih tur atana an hmalakna hrang hrangte ngaihthlak niin Campaign chhunzawm zel dan turte leh Electoral Roll-a Vote nei thei te an luh kim theihna tura hmalak dan turte pawh an sawiho bawk a ni.

Nimin-a he hun hman ah hian MPCC Secretary Rev. LR. Colney chuan India ramah BJP in Party mal-a sawrkarna State 10 leh an thawhpui te nen sawrkarna State 6 an nei tih sawiin, BJP Map-ah Mizoram chu BJP sawrkarna ang ah a lan thu a sawi a. Parliament thutkhawm neih zawh taka Manipur chungchang sawihona neih ah Mizoram Rajya Sabha MP K. Vanlalvena chuan thu sawi a duh tak tak a nih chuan Treasury Bench atangin a insawn chhuah a ngai nia sawiin, tun tuma a sawi dan chu Parliament kalphung atanga tehin sawi tur zinga ruat ni lo a, a thusawi kha pawm theih a ni lo niin a sawi bawk. Hei bakah hian Mizoram-a inthlanpui lo awm turah kan Sakhaw himna tura Missionary rilru pua vote thlak a ngai nia sawiin, MNF leh ZPM chu a ruka BJP zawm inchuh mai mai niin a sawi bawk.

Comments

Popular News (Last 30 Days)

Vawiin-ah HSLC result

Vawiin-ah HSSLC Exam result