MLA in kawng thawmthat hna thawh mek a tlawh

Saitual leh Saichal inkar NH. 102B kawng thawmthat hna thawh mek chu HRD Board Vice Chairman Dr. L.Thangmawia MLA chuan a hmunah a tlawh.

HRD Board Vice Chairman hian he kawng siam mek hi niminpiah khan tlawhin NHIDCL hotute chu kawng thawmthat hna uluk taka vil zui tur leh motor tam tak an accident phah tawhna a nih avang te, Manipur-a kan unaute chak lakna kawngpui ber a nih avanga Mizoram sawrkar leh mipuiten an kawng ngaihven berte zinga a mi a nih thu te a hrilh a. Hemi hnu nimin khan NH. 102B laih mek avanga Khawkawn khaw-chhunga In thenkhat leh Khawkawn Health Sub-Centre Quarters dinhmun te a hmunah enin NE Khawdungsei-a PB. Ramthanga kawmthlang leimin te a tlawh bawk a. Heng leimin zui hlauhawm te hi a venna a rang thei ang bera an siam nghal tur thu NHIDCL hotute chuan MLA hi an hrilh nghal a ni.

Dr. L. Thangmawia hian Kawlkulh to Tuichang kawng a chhiat nasat avanga accident tam tak a thlen mek thu pawh hrilhin, hei pawh hi a rang thei ang bera hma la nghal turin a hrilh nghal bawk.