Mizoram Police ten tha thlah lova ram venhim hna an thawh vangin State ralmuang kan ni - Chief Minister

Chief Minister Zoramthanga'n Mizoram chu State ralmuang tak an nih theihna chhan chu Mizoram Police ten tha thlah miah lova ram venhim hna ngawrh taka an thawh thin vang a ni tih a sawi.

India ram in zalenna a hmuh champha lawmna nimin-a Aizawl Sipai Lammual-a neih ah hian mipuite hnenah thuchah sawiin Chief Minister Zoramthanga chuan Mizoram Police chu ram venhim kawngah BSF leh Assam Rifles te nen thawkho in ngawrh takin hna an thawk thin tih a sawi a, July ni 2 thleng khan ruihhlo tam tham tak, International Market-a cheng vbc. 2077.68 hu man a ni tih sawiin, thubuai 1900 lai ziahluh a nih thu leh heng thubuai ah hian mi 610 man an nih thu a sawi a ni. Excise Department leh tlawmngai pawl hrang hrang ten ruihhlo do kawngah nasa takin hma an lak thu pawh sawiin, tun sawrkar kum kalta chhung khan cheng vbc. 10 chuang ruihhlo man tihchhiat a ni tih a sawi a, Mizoram Liquor Prohibition Act 2019 hnuaiah mi 4614 chu dan kalha an chet vangin man an nih tawh thu leh Case 3015 ziahluh a ni tih sawiin, Mizoram Liquor Prohibition Rules 2022 kalpui anih hnuah Mizoram tharchhuah Grape Wine siam eh thawnchhuah leh in chungchanga zawm tur mumal takin ruahman ani tih a sawi bawk.

Chief Minister chuan Manipur tualchhung buaina avanga Mizoram chhunga sahimna zawnga lo lut te tanpui nan Mizoram Sawrkar in cheng vbc. 5 a pekchhuah tawh thu leh Sawrkar laipuiah pawh cheng vbc. 10 dil mek a ni tih sawiin, Manipur mi leh sa te chhawmdawl hna hi sawrkar mai ni lo in Tlawmngai pawl hrang hrang leh Kohhran bakah mipui te nen inlungrual takin an thawkho tih a sawi a, sahimna zawnga lo lut te ei tur buhfai quintal 2388.50 chu pekchhuah a ni tawh tih a sawi bawk.

PHE Department hnuaiah July ni 17 thleng khan khawpui chhunga chenna In 1,22,147-ah tui connection pein thingtlang lamah chenna In 1,19,309 pek an nih tawh thu Chief Minister chuan a sawi a, Rural Development kaltlangin MGNREGA hnuaia chhungkaw 2,15,649 hnenah Job Card pekchhuah niin, chawhrualin kumin chhungin ni 27.97 chhung inhlawhna siam a ni tawh tih a sawi bawk a. Ministry of Minority Affairs atanga sum cheng nuai 140 hmuh hmangin Sports Department hnuaiah State Training Centre for Anventure Sport siam hna a kal mek thu leh hmarchhak State zingah Adventure Sports tana Training Centre tha ber tura duan ani tih a sawi a. Kumin April thla khan infiamna hrang hranga infiammi 160 te hnenah Mizoram Sports Incentive Cash Award 2021-22 sem a ni tih a sawi bawk.

Chief Minister Zoramthanga chuan National Education Policy hlawhtling taka kalpui anih theih nan Higher & Technical Education leh School Education ten theihtawp an chhuah thu pawh sawiin, Lengpui Airport Terminal building cheithat hna chu zaa 92.5 zawhfel a nih tawh thu a sawi a, Elevated Road pawh zaa 85 siam zawh a nih thu a sawi bawk.

Comments

Popular News (Last 30 Days)

Vawiin-ah HSSLC Exam result