Mizoram-ah National Handloom Day 2023 hman a ni

National Handloom Day 2023 chu ramchhung hmundangte rualin nimin khan Aizawl-ah pawh NIC Video Conference Room-ah Sericulture Minister Er. Lalrinawma hovin hman a ni.

Sawrkar laipui-a Ministry of Textiles in ruahmanna a siam angin National Handloom Day hi rampum ah hman niin, Aizawl-ah chuan Weavers Service Centre, Ministry of Textiles chuan he ni pual hian Programme an buatsaih a, he hunah hian Minister Er. Lalrinawma chuan August ni 7, 1905-a ‘Swadeshi Movement’ kalpui tan hriatreng nan ‘National Handloom Day’ buatsaih a ni chu thil pawimawh tak ni a a hriat thu a sawi a. Mahni kutchhuak ngei hmanga ram pawn lama innghat lova intodelh tumna rilru chu hnam humhimna pawimawh tak a nih thu a sawi bawk.

National Handloom Day hi kum 2015 atang khan hman niin kumin hi a vawi 9-na a ni a, nimin-a he hun hmanna ah hian Minister hian Yarn Pass Book leh Lighting Unit a sem a. Sericulture Department hmalaknaa la rawng thlak zirna Samarth training kalte hnenah Certificate hlan a nih bakah chawhnu lamah sawrkar hmalakna inhrilhhriatna leh Quiz leh Design competition te neih a ni bawk.

Comments

Popular News (Last 30 Days)

LPG man bithliah thar