Mi bo ruang hmuh a ni

Maullungthu khuaa mi bo chu ni 7 an zawnna ah nimin khan Tuirivang-ah a ruang chhar a ni. Muallungthu atanga thu kan dawn danin mi bo hi Lallawmsanga (41) niin kum 5 vel Muallungthu khua ah hian a awm tawh a, ram-a riak thin leh ramhnuaia khawsa tam, khua ah pawh awm ngai mang lo a ni a, July 9, 2023 khan Tuirivang-ah hian ram riak tura kalin hemi hnu hian a chian an hriat tak mai loh avangin July 28, 2023 atang khan zawn a ni a. Mizo dan-a ni 7 an zawnna, nimin khan Tuirivang bula Thlam pakhat bulah a ruang hi hmuh a ni ta a ni. Nimin-a ruang an hmuh hi a lo chhe hman tawh hle nia thudawn a ni a, a ruang awm danah midang in kut an thlak nia rin theihna te a awm avangin Police leh Forensic Science Laboratory-a mithiam te chu ruang hmuhna ah hian kalin enfiah ngai te an enfiah bawk a ni.