IMI 5.0 atan Health Department inbuatsaih mek

Health Department chu Hri danna pek beihpui thlak tura a inpuahchahna kal mekah niminpiah khan Intensified Mission Indradhanush (IMI) 5.0 zirhona hun Aizawl Press Club-ah an buatsaih.

Health Department thuchhuah in a tarlan danin Measles leh Rubella natna te hi Mizoram-ah a awm reng a, natna lanchhuah dân nasa ni lo mah se a hnua harsatna(Complication) hrang hrang thlen thei a ni a. He natna pahnih (2) te hi Vaccine hmanga invên theih anih avângin India sawrkar chuan kumin December 2023-ah hian Measles (Sentût) leh Rubella natna chu ûmbo tûrin ruahmanna a siam a ni. He natna pahnihte ûmbo tûr leh natna hrang hrang hri dânna dawng thei nu naupai leh naupang zawng zawngin an dawn ngei theih nân India sawrkâr chuan Hridanna beihpui thlâkna – Intensified Mission Indradhanush 5.0 chu kumin August, September leh October thlaa kalpui tûrin ruahmanna a siam a, hemi atan hian Mizoram sawrkar chu a inbuatsaih mek a ni.