Lunglei Police Station thuamthat hawn a ni

Lunglei High Powered Committee (HPC) sum hmanga Lunglei Police Station Building (Ground Floor) thawmthat chu nimin khan HPC Vice Chairman Lawmawma Tochhawng MLA chuan a hawng.

Lunglei Police Station Building Ground Floor leh 1st Floor renovate nan hian HPC Fund atangin cheng nuai 15 ve ve sanction a ni a, nimin-a hawn tak Ground Floor hi kum 2022-2023 sum atanga thawh niin nimin-a a hawnna ah hian HPC Vice Chairman chuan Lunglei Police Station chu India ram pumah Best Police Station nihna chelh mektu a nih thu a sawi a,tehna hrang hrang hmanga teh a ni hnuah India ram pumpuia tha ber nihna hauh thei Police Station in Mizoram a Police Station building tha ber ni tura renovate a ni chu a inhmeh hle tih a sawi a ni.

Lunglei Police Station building hi kum 1991-a sak tawh kha niin Lunglei khawpui hmun lun lai taka awm a ni a, a building hi a hlui tawh hle a, tunah hian kum 2023-2024 atan 1st Floor renovate na tur cheng nuai 15 sanction a ni tawh bawk a ni.

Comments

Popular News (Last 30 Days)

Vawiin-ah HSSLC Exam result

LPG man bithliah thar