Home Secy hnenah thlen

Mizoram Lok Sabha MP C. Lalrosanga leh Rajya Sabha MP K. Vanlalvena te chuan Union Home Secretary Ajay Kumar Bhalla IAS chu niminpiah khan a Office-ah hmuin Mizoram tana thil pawimawh te a sawipui a. Mizoram MP te chuan Chief Minister Zoramthanga’n Manipur raltlan Mizorama lo lut te chhawmdawlna tura sum leh pai a lo dil tawh tun thlenga pek la ni lo chu a hmanhmawh thlak tawh thu leh a rang thei ang bera tihfel a nih theih nan Home Secretary chu hma la tura an duh thu an thlen a. Aizawl Lammual-a Laldenga Cultural Centre dinna tura Mizoram sawrkar in lungphum phum a duh tawh thu pawh hrilhin, hemi atan hian Home Ministry in No-Objection Certificate a pek thuai a tul thu an sawi bawk a. Home Secretary  chuan a rang thei ang bera Home Minister lo sawipui a tum thu a sawi a ni.