Lawngtlai-a DCF-a thawk te Pisa kai tur dan an ni

Kaladan Multi Modal Transit Transport Project in a tihchhiat ram neitu intelkhawm te chuan nimin khan Mizoram Sawrkar hnuaia Dy. Conservator of Forest, Chhimtuipui Wildlife Division Office-a thawk te Pisa kai tur an dang.

KMMTTP in a tihchhiat ram neitu intelkhawm te hian Zangnadawmna an hmuhtheihloh vanga thuneitute an nawrna kal mekah nimin khan Lawngtlai-a DCF, Chhimtuipui Wildlife Division-a thawktute Pisa kai tur hi an dang a, Lawngtlai District Land Owners Association President T. Zatlunga chuan KMMTTP kawngpui Kilometres 88-a thui ah State Sawrkar Environment, Forest & Climate Change Department chuan Kilometres 80 vel zel chu an ram angin an chhal tih sawiin, hei hi a diklo tih Guwahati High Court pawhin tichiang tawhin, ACB lam pawn an lo chhuichian tawh thu a sawi a, ram neitu dik tak mi 138 te ram Mizoram Sawrkar hnuaia Forest Department in a chuhpui tlat chu hriatthiam theih a nilo tih sawiin, Clearance pek thuai an phut thu a sawi a ni.