Khawzawl Auditorium sak tur lungphum phum

Urban Development & Poverty Alleviation changtu Deputy Chief Minister Tawnluia chuan Khawzawl Vengthar PWD Complex-a ‘Khawzawl Auditorium’ sak tur lungphum nimin khan a phum.

Auditorium sakna tur lungphum phumna puala inkhawm Khawzawl PWD Complex tual-a neih ah Khawzawl in Auditorium changtlung leh felfai tha tak a nei tur chu a lawmawm hle tih sawiin, Khawzawl District tana hna thawk thei tura a chunga duhsakna lantir thin tu District mipui te hnenah lawmthu a sawi bawk. Deputy Chief Minister chuan Tuichang Assembly Constituency chhungah UD&PA enkawl Urban Town pahnih, Khawzawl leh Khawhai an awm thu leh Biate chhiar telin Khawzawl District huamchhungah Urban Town pathum an awm thu a sawi a. Khawpui tih changkan, tih changtlun leh tih thianghlim kawngah chak takin UD&PA chuan hma a la zel tih a sawi bawk.

Khawzawl Auditorium hi UD&PA Department kaltlangin State sawrkar fund cheng nuai 642 senga sak tur a ni a, Auditorium hi chhawng thum a sang tur niin, Ground Floor-ah motor 27 lenna tur Vehicle Parking, Cafetaria, Chowkidar Quarters leh Plant room te a awm dawn a; First floor-ah mi 368 lenna Main Hall, Changing Room, Conference Hall leh VIP Lounge te a awm dawn a; Second Floor-ah Gallery mi 141 thutna awm bawkin, a vaiin mi 509 an thu thei dawn a ni.

Deputy Chief Minister hian nimin vek khan Khawzawl Vengthar Pastor bial enkawl Presbyterian English School-in HSLC Examination 2023 a Mizoram Presbyterian English School zinga pakhatna dinhmun an hauh lawmna an buatsaih chu a hmanpui bawk a ni.

Comments

Popular News (Last 30 Days)

Vawiin-ah HSSLC Exam result

LPG man bithliah thar