PM thusawi MNF ten zalenna an sual nasat zia tichiangtu a nih thu Chief Minister in a sawi

Chief Minister Zoramthanga'n kum 1966-a Indian Air Force ten Mizoram-a Bomb an thlak chungchang kar kaltaa Parliament Fur thutkhawm ah Prime Minister Narendra Modi-an a sawi chu MNF Party ten India sawrkar laka zalenna an sual nasatzia tichiangtu a ni tih a sawi.

Prime Minister Narendra Modi hian kar kalta khan Parliament thutkhawma No Confidence Motion chungchanga thu a sawina ah Mizoram chu March ni 5, 1966 khan Sawrkar laipui Congress Sawrkar, Indira Gandhi Prime Minister-na hnuaiah nasa taka bomb a nih thu a sawi a. Hemi chungchanga zawhna chhangin Chief Minister Zoramthanga chuan kum 1966-a Mizoram a thil thleng chu ramchhunga thil thleng ngailo leh Indian Air Force-in an ram mipuite ngei bomb hmanga a beihna awmchhun a ni tih a sawi a ni.

Chief Minister Zoramthanga chuan Aizawl khawpuia hmun hrang hrang bomb thlak chu a hunlai chuan a rapthlak takzet tih sawiin, hetihlai hian Mizoram chu Assam District zinga pakhat a nih thu leh nasa takin State mi te pawhin sawrkar laipui hnenah an bomb chhan an zawt tih a sawi.