I-Day Football khelh tan a ni

Serchhip District Football Association (SDFA) buatsaih Screening/Independence Day Football Tournament 2023 chu nimin khan khelh tan a ni ta.

Serchhip Sports Complex-a SDFA Screening/Independence Day Football Tournament 2023-ah hian nimin khan 2nd Division ten an Group Match khelin nimin-a inkhel hmasa berah Group Ac-ah Bungpui FC tia hriat thin, Hriangtlang FC chuan Dress Up FC chu 2-1 in an hneh a, an Group-a inkhel dangah Bungtlang Bazar FC leh Darnam FC te chu goal khat ve ve inpe in an inhnehtawk bawk.

Nimin-a Group B inkhel ah 1st Division-a kai tuma nasa taka tan la P&E FC-I chuan AWC FC chu 18-0 in an sawp a, P&E FC-I tan A. Lianchampuia chuan goal 4 a khung bakah Lalrawngbawla, Lalmalsawm-tluanga leh C. Malsawmkima te chuan goal thum theuh an khung bawk a ni. Group B inkhel dangah Chanmari FC chuan Vengchung FC chu si khat faiin an hneh bawk a ni.

Vawiin hian 2nd Division Match 5 khelh tura ruahman a ni a, zing dar 9:30-ah match tanin Group C atangin Field Veng FC leh New Serchhip FC inhmachhawnin P&E FC-II leh Hmar Veng FC an inhma-chhawn bawk ang. Group D-ah Keitum FC leh Leisekawt FC te an inhmachhawn dawn bakah FC Serchhip Kawnpui leh Dinthar FC te an inhmachhawn dawn bawk a, match hnuhnung berah Group A atangin Hriangtlang FC leh Darnam FC te an inhmachhawn bawk ang.

Comments

Popular News (Last 30 Days)

LPG man bithliah thar