I-Day Football khel tan dawn

Vawiin atang hian Serchhip Sports Complex-ah Independence Day Football Tournament chu khelh tan a ni dawn a, he Tournament hi Division Screening Tournament a ni nghal ang.

Serchhip District Football Association (SDFA) buatsaih Screening/Independence Day Football Tournament hi 1st Division leh 2nd Division te tana buatsaih tur niin 1st Division-ah hian Team 8 te an tel kim thei dawn a, heng Team 8 te hi Group pahnih-ah thenin Group khat-a awm te hi an inkhelh kual hnuah point hmu sang pahnih ten Semi Final an lut dawn a, Group Match-a point hmu hniam ber te chu 2nd Division-ah tlain point hmu hniam ber dawttu leh 2nd Division-a pahnihna ten Play-Off an khel dawn thung a ni.

1st Division-ah hian Group A-ah Hmar Veng FC, Chanmari FC, FC Serchhip Kawnpui leh New Serchhip FC te an awm dawn a, Group B-ah Vengchung FC, Chhekhnai FC, Kawn Veng FC leh AWC FC te an awm thung a. Match hmasa ber hi tunkar Inrinni khian khelh a ni ang.


2nd Division inelna ah Team 16 an tel dawn thung a, heng te hi Group 4-ah thenin Group tinah Team 4 zel an awm a, Group pakhat a awm te zel hi an inhmachhawn kual anga, chumi hnuah Group tina point hmu sang ber leh a dawttu ten Quarter Final an lut anga, Quarter Final atang hian Knockout System-a khelh tur a ni ang. 2nd Division-a Champion te hi Season thar-ah 1st Division-ah an kai dawn a, pahnihna hi 1st Division-a point hmu hniam ber dawttu nen Play-Off khelin a chak zawk zawk 1st Division-ah an awm dawn a ni.

2nd Division-ah hian Group A-ah Hriangtlang FC, Dress Up FC, Bungtlang Bazar FC leh Darnam FC te awmin Group B-ah P&E Veng FC-I, AWC FC, Chanmari FC leh Vengchung FC te an awm . Group C-ah Field Veng FC, New Serchhip FC, P&E Veng FC-II leh Hmar Veng FC awmin Group D-ah Keitum FC, Leisekawt FC FC Serchhip Kawnpui leh Dinthar FC te an awm dawn bawk a ni.


Tun tum Tournament-ah hian 1st Division ten minute 40+10+40 (ET 10+10) ten khelin 2nd Division ten minute 35+10+35 (ET 10+10) an khel dawn bawk a, tun tum Tournament-ah hian On-field player-ah (Playing 11) District pawn mi pahnih aia tamin an khel thei dawn lo bawk a ni.

Vawiin hian 2nd Division ten Match an nei anga, dar 11:00-ah Hriangtlang FC leh Dress Up FC inhmachhawnin Bungtlang Bazar FC Vs Darnam FC; P&E FC-I Vs AWC FC leh Chanmari FC Vs Vengchung FC te an inhmachhawn dawn bawk a ni.


Comments

Popular News (Last 30 Days)

LPG man bithliah thar