Rullam khua hmasawnna tur bialtu MLA hovin sawiho

Tuikum bialtu MLA leh Minister Er. Lalrinawma chuan nimin khan a bial chhunga Rullam khua tlawhin khawtlang hruaitute nen an khaw hmasawnna atana hmalak zel dan tur an sawiho.
Rullam khuaa khawtlang hruaitute nen an inkawmna ah bialtu MLA Er. Lalrinawma chuan a bial chhung hma-sawnna hna hrang hrang thawh mek leh thawh zawh tawh te chu neitu rilru puchunga enkawl thiam a pawimawh hle tih a sawi a. Bial chhung hmasawnna leh enkawl kawnga a ngaih pawimawh ber pathum te chu - Eizawnna, Hriselna leh Zirna a nih thu sawiin, “Ram leh khawtlang hmasawnna atana hna kan thawhna kawngah inlungrualna leh thawhhona tha kan neih chuan hmasawnna rahbi thar kan kai zel ang,” a ti.

Er. Lalrinawma chuan COVID-19 hripui leng chuan hmasawnna hnathawh kawngah engemaw chen harsatna a thlen thu sawiin, chutiang a nih laia bial mipuiten hriatthiamna rilru zau tak an lo pu chu lawmawm a tih thu a sawi a. Bial mipuite nen tun thlenga bial a enkawlna kawngah boruak thalo awmlo a ram rawng an bawlhona ah lawmthu sawiin, hun lo kal leh zel turah pawh theihtawp chhuahpuia finchhuah zel turin a sawm bawk.

Nimin-a inkawmkhawmna hun hi Rullam VCP VL. Lawmkima chuan kaihruaiin YMA, MUP, MHIP, GSA, School zirtirtute an tel a, khawtlang mamawh hrang hrang leh hmasawnna hnathawh dan tur te inpawh takin an sawiho a ni.