Har Ghar Tiranga Campaign

India Independence Day champha vawi 75-na lawmna Azadi Ka Amrit Mahotsav (AKAM) puala nikum August ni 13 atanga ni 15 chhunga Har Ghar Tiranga Campaign hlawhtling taka neih chu kumin-a Independence Day vawi 76-na lawmna pualin kalpui a ni leh dawn a. August ni 13 atanga ni 15 chhung khian ram leh hnam tan thahnem-ngaihna rilru pu chunga phur taka mahni chenna In-ah Hnam Puanzar zar chhuak theuh turin mitinte ngen an ni. Hemi atan hian Art & Culture Department chuan Hnam Puanzar nuai 11 a chah a, heng te hi August ni 6 khan lo thleng tanin District hrang hrangah thawnchhuah nghal zel a ni.