Ratu PHC tan Ambulance pe

Tuivawl bialtu MLA leh School Education Minister Lalchhandama Ralte chuan nimin khan a bial chhung awm Ratu PHC-a hman turin Ambulance thar a pe a, Ambulance thar hlanna hun hi nimin zing khan Education Minister chenna, Durtlang Leitan-ah neih niin Minister hian Ratu VCP Lalhmingthanga hnenah Ratu khaw mipui ten tangkai taka an hman theih turin a hlan a ni. Tuivawl bialtu MLA Lalchhandama Ralte hian COVID-19 hrilen lai khan Darlawn PHC leh Sakawrdai CHC (Community Health Centre) a hman tur Ambulance hi a lo pe tawh bawk a ni.