Cultural Heritage Centre atan sum sanction

Serchhip Kawlri Tlang-a 'Mizo Cultural Heritage Centre' din tuma hmalakna kal mekah NEC a Project thehluh chu tunhnai khan sanction Order chhuakin First Installment pekchhuahna tur Order pawh August 1, 2023 khan chhuah a ni.
Serchhip Heritage Society hruaitute hnen atanga LENKAWL in thu a dawn danin Kawlri tlang-a Heritage Centre din tur hian kum 2019 atang khan Serchhip Bialtu MLA Lalduhoma hovin Serchhip Heritage Society chuan MZU Professor thenkhate nen hma an lo la tawh a, a tirah cheng vbc. 15 senna tur Project ruahman niin chumi mil chuan DPR pawh siam a ni a. Amaherawhchu, remchan zawk avangin MZU aiah Serchhip DC chu Implementing Agency-ah hman ni ta zawkin Project Cost pawh tlema tih danglam niin cheng vbc. 5 ah tih tet a ni bawk.