District & Session Judge chungchang lo thlen

Mizoram Bar Association (MBA) Serchhip Welfare chuan nimin-a Serchhip-a rawn kal Aizawl Judicial District-a District and Sessions Judge Vanlalenmawia hnenah Serchhip-ah District & Sessions Judge a awm loh avanga harsatna te an lo thlen.
MBS Serchhip Welfare hruaitute chuan Serchhip-a District & Sessions Judge an awm loh avangin thubuai lian- Tualthah, Pawngsual, POCSO Act leh ruihhlo tam tham man kaih-hnawih thubuai reng reng chu Aizawl-ah ngaihtuah a ngai thin tih sawiin, hei vang hian thubuai nei te chu an chungthu ngaihtuah turin Aizawl lamah hruai an tul thin thu te, Police leh Excise te tan pawh harsatna a awm thin thu leh Civil mi thuhretu koh thlenga harsatna a awm thin thu te an sawi a.

Hemi chungchanga harsatna hi Gauhati High Court Chief Justice hnenah pawh an lo thlen tawh thu sawiin, Chief Justice hian District & Sessions Judge-a thubuai an neih zat te, an chinfel zat leh thubuai ngaihtuah lai la awm zat lo hre tura a tih thu sawiin, hei hi an khawih theih a nih loh avangin District & Sessions Judge hi hma lak sak turin an ngen a. Hei bakah hian Serchhip-a District & Sessions Judge dah a nih ngei theihna tura bawhzui sak turin an ngen bawk a ni.

District and Sessions Judge Vanlalen-mawia Serchhip-a District & Session Judge dah chu High Court thu a nih thu sawiin, harsatna la awm thei te a sawi a. Chutihrual chuan tuna an harsatna tawh mek sutkian ran a nih theihna turin thla tin chawlhkar khat tal Serchhip-ah District & Session Judge an thut theihna tura hmalak tha a tih thu te a lo hrilh bawk a ni.

Comments

Popular News (Last 30 Days)

Vawiin-ah HSSLC Exam result

LPG man bithliah thar