Cheng nuai 98 sengin Community Centre sak hna tan

Cheng nuai 98 hmanga Serchhip Sub-Hqrs. YMA Building (Vertical Extention)-a Community Centre sak hna chu nimin khan thawh tan a ni.
Serchhip Sub-Hqrs. YMA hian sawrkar laipui atangin Social Welfare & Tribal Affairs Department kaltlangin Community Centre sakna tur cheng nui 98 hi an hmu a, kum 2022-2023 atan sum thawhkhatna cheng nuai 50 hmuh niin hemi hmang hian building sak hna hi nimin khan thawh tan a ni a, hemi hma tun thla ni 4, Zirtawpni kalta khan Social Welfare and Tribal Affairs Department-a JE Benhyafea Lalrinhlua chuan Serchhip Sub-Hqrs. YMA Office hi rawn tlawhin he sum hmuh hmanga hnathawh dan tur hi YMA hruaitute nen an lo sawiho tawh a, ruahmanna hrang hrang siam nghal niin tuna an sum hmuh bak nuai 48 hi kum 2023-2024 ah hmuh leh beisei a ni.

Serchhip Sub-Hqrs. YMA hian he Community Centre sak hna thawh tur midang kuta dah lova anmahni kut-a dah tura SW&TA Minister Er. Lalrinawma an ngenna tih hlawhtlin a ni chu lawmawm an tih thu an lo sawi tawh a ni.