Ngaihnathiam hun hawng

Mizoram sawrkar Transport Department chuan lirthei chhiah pe tha lo te tan tun thla ni 3 atang khan ngaihnathiamna hun hawngin kumin December ni 31 thleng he hun hi hawn a ni ang.

Hemi chungchanga Principal Secretary for Transport Navin Kumar Choudhury-a’n thuchhuah siama a tarlan danin Mizoram-a lirthei chhiah pe lo leh pe tha lote tan ngaihhnathiamna hun hawn a nih thu hi a tarlang a. Hemi chhung hian lirthei chhiah pe lo leh pe tha lote chu hrem a chawi belhtir an ni dawn lova. Lirthei chhiah hi VAHAN leh SARATHI kaltlanga pek thin a ni a, kumin December thla tawp hma a chhiah an la chawi lohte an pek chuan hremna atana pawisa chawi belh ngai kha an chawi lovang a. December ni 31 hnu-ah chuan ngaihhnathiamna hun hi khar a ni tawh dawn a ni.