Aizawl New Market-a Bazar building sak mek tlawh

Aizawl New Market-a Bazar building sak mek chu Inrinni zing khan Commerce & Industries Minister Dr. R.Lalthangliana chuan tlawhin Line Department Official, Contractor leh Sumdawng hruaitute a kawm nghal bawk.

Aizawl-a New Market-ah hian Bazar building sak mek hlawm hnih a awm a; Commerce & Industries Department hnuaia cheng nuai 3641.59 senga sak Aizawl City Centre Annexe (ACC Annexe) leh Aizawl Smart City Project, UD&PA hnuaia cheng nuai 4159.03 senga sak mek, Aizawl City Centre (ACC) te niin Aizawl City Centre (ACC) hi Smart City Project hnuaia thawh a nih angin June 2024-a zo hman tura beisei a ni a, Aizawl City Centre Annexe (ACC Annexe) hi January 2024 a zo hman tura beisei a ni.

Minister Dr. R. Lalthangliana chuan hripui leng avanga harsatna leh inkhuahkhirhnate'n kum 2 lai hna a tih khaihlak phah thu leh hemi avanga tum ang huna bazar sak hna zawhfel hman a nih loh thu sawiin, Contractor-te chu hna tlo leh tha, ram leh hnam tana rotling sa zo thuai thei tura chak taka thawk turin a hrilh a. Bazar building sak hna thawktu Contractor leh MIMA hruaitute kawmin mamawh leh tul an thlente bawhzui dan turte a sawipui a. Heng bakah hian building sak mek avanga sumdawng leh mipuite'n harsatna an tawhte sawipuiin, a hmunah a enfiah bawk.

Comments

Popular News (Last 30 Days)

LPG man bithliah thar