ZPM Party in an Candidate tur 39 puangin Serchhip Bial-ah Lalduhoma a ding leh dawn

Zoram People’s Movement (ZPM) Party Nomination Committee chuan kumin Assembly inthlanpui neih tura Mizoram Assembly bial 40 zinga bial 39-a an Candidate tur an ruat fel ta a, Serchhip bial-ah MLA nilai leh ZPM Leader Lalduhoma chu ding tura ruat a ni.

ZPM Nomination Committee Secretary Dr. Kenneth Chawngliana chuan nimin khan hriattirna tichhuakin July 17, 2023-a Zoram People’s Movement (ZPM) Nomination Committee thukhawm chuan 9th Mizoram Legislative Assembly Member tur thlanna neih tura an Candidate turte hi a tarlang a, hemi hmalam hian Lunglei leh Lawngtlai District-a Assembly bial 9-a an Candidate tur lo tifel tawh bawkin ZPM Party in Bial hrang hrang viltu tur an lo ruat tawh te chu tih danglam awm lovin Candidate atan hian puan an ni a. Assembly dinglai-a ZPM Member leh ZPM thlawp Member nilai te chuan an Bial ngai an chuh leh vek dawn bawk a, 36-Tuichawng Bial erawh puan a la ni ve lo thung a ni.

ZPM Party in an Candidate tur an puan zingah hian Serchhip bial-ah bialtu MLA nilai leh ZPM Leader Lalduhoma chu ding leh tura tih a ni a, hemi hmalam hian MNF party chuan J. Malsawmzuala Vanchhawng chu an Candidate tur a nih thu lo puang tawhin Congress Party pawhin R. Vanlaltluanga chu an Candidate tur a nih thu an lo puang tawh a, Serchhip Bial-a Party lian pathum te Candidate tur chu hriat kim a ni ta a ni.

ZPM party in an Candidate tur an puan ah hian 1-Hachhek Bial-ah KJ. Lalbiakngheta, Zawlnuam; 2-Dampa Bial-ah Vanlalsailova, West Phaileng; 3-Mamit ah H.Zorempuia, Sihphir Venghlun; 4-Tuirial ah Laltlanmawia, Kolasib Hmar Veng; 5-Kolasib ah Lalfamkima, Kolasib; 6-Serlui ah Jimmy Laltlanmawia, Bethlehem Vengthlang; 7-Tuivawl ah JMS. Dawngliana, Darlawn; 8-Chalfilh ah Lalbiakzama, Chanmari West; 9-Tawi ah Prof. Lalnilawma, Vaivakawn te an ding ang. 10-Aizawl North-I ah MLA nilai Vanlalhlana, Venghlui dingin 11-Aizawl North-II ah MLA nilai Dr.Vanlalthlana, Ramhlun North a ding leh anga, 12-Aizawl North-III ah ZPM Working President K. Sapdanga dingin 13-Aizawl East-I ah Party Vice President Lalthansanga (Chatea), Zarkawt a ding anga. 14-Aizawl East-II ah B. Lalchhanzova, Dawrpui Jail Veng; 15-Aizawl West-I ah TBC. Lalvenchhunga, Champhai Vengthlang; 16-Aizawl West-II ah Lalnghinglova Hmar, Aizawl Venglai; 17-Aizawl West-III ah MLA nilai VL. Zaithanzama, Khatla; 18-Aizawl South-I ah MLA nilai C. Lalsawivunga, Bethlehem Vengthlang; 19-Aizawl South-II ah MLA nilai Lalchhuanthanga, Tlangnuam leh 20-Aizawl South-III AMC Corporator nilai Baryl Vanneihsangi Tlau, Model Veng te an ding ang.

21-Lengteng-ah F.Rodingliana, Dawrpui; 22-Tuichang ah W. Chhuanawma, Vaivakawn; 23-Champhai North-ah Dr. B. Lalramzauva, Zarkawt; 24-Champhai South-ah Lt. Col. Clement Lalhmingthanga, Electric Veng; 25-East Tuipui-ah Dr. C. Lalrammawia, Ramhlun North; 26-Serchhip-ah MLA nilai Lalduhoma, Chawlh-hmun; 27-Tuikum ah PC. Vanlalruata, Ramthar Veng; 28-Hrangturzo ah Lalmuanpuia Punte, Upper Kanan; 29-South Tuipui-ah Jeje Lalpekhlua Fanai, Hnahthial; 30-Lunglei North-ah V. Mal-sawmtluanga, Serkawn; 31-Lunglei East-ah Lalrinpui, Lunglei; 32-Lunglei West ah T. Lalhlimpuia, Lunglei Venglai; 33-Lunglei South-ah Lalramliana (Papuia), Salem Veng Lunglei leh 34-Thorang ah C. Lalnunnema, Mission Vengthlang te an ding ang.

Heng bakah hian 35-West Tuipui-ah Kawlhnuna, College Veng; 37-Lawngtlai West-ah Lalnunsema, Lawngtlai Electric Veng; 38-Lawngtlai East-ah Dr. Lorrain Lalpekliana Chinzah, Lawngtlai Chanmari; 39-Saiha-ah KH. Beithie, College Vaih-I leh 40-Palak-ah K. Robinson, Amobyu Siaha te an ding dawn bawk a ni.

Comments

Popular News (Last 30 Days)

Vawiin-ah HSLC result

Vawiin-ah HSSLC Exam result