ZPM in hneh tka tlin ngei an inbeisei thu an sawi

Zoram Peoples Movement (ZPM) Leader Lalduhoma chuan inthlanpui lo awm tur atana an Candidate tur an puan tak te chu an rintawk thu leh hneh taka tlin ngei an inbeisei tih a sawi.

ZPM Campaign Committee chuan nimin khan ZPM Leader Lalduhoma hovin Aizawl Press Club-ah thuthar thehdarhtute kawmin Assembly bial 40-ah Bial 39 chuh tur Candidate te hming an puang tawh a, Tuichawng bial-ah erawh candidate an la dah ve lova, hemi chungchang hi Party in a la ngaihtuah zui dawn niin Lalduhoma chuan a sawi.

ZPM Leader chuan an Party chuan sum hmachhuan lo a inthlanpui hmachhawn an tum thu pawh sawiin, tunlai inthlan enin sum thiltihtheihna a tlahniam hle tih a sawi bawk a, tunhnaia inthlan hrang hrang - Serchhip-a MLA bye-election, Lunglei Municipal Council inthlan leh Zemabawk Local Council inthlan te enin sum thiltihtheihna a thi ta nia an hriat thu leh lawmawm a tih thu a sawi bawk aa. An party miten thianghlim takin party sum tur te tuakin Mizoram hmun hrang hrangah inhlawhfa te an awm thu a sawi a, party dangte chuan candidate te atangin sum an beisei thin a, an ni chuan candidate te sum an pai zawk thu a sawi bawk a ni.

He hunah hian ZPM Campaign Committee Co-Chairman K. Sapdanga pawhin Uniform Civil Code (UCC) chungchang sawiin, ZPM chuan Law Commission-ah ziakin UCC an dodal thu chiang takin an thawn tawh tih a sawi a. UCC chu hmarchhak mai ni lo, India ram pumpui tan pawha thil tha a nih loh thu leh tihhlawhtlin a nih chuan Mizo Kristiante chu a tuar nasa ber tur an nih thu a sawi bawk.

Comments

Popular News (Last 30 Days)

Bawngchawm tlang khualbuk rawktu nia hriat mi 2 man