Vote thlak inzirtirna uar taka kalpui a ni

Mipui ten Vote thlak dan kalphung an hriat theihna tura inzirtirna chu Serchhip District-ah kalpui mek a ni.
Kumin a Assembly inthlanpui neih tur inbuatsaihna pakhat tana mipui ten Vote thlakna kawl, EVM an hmelhriat theihna tura hmalakna atan hian Serchhip DC Office Complex-ah EVM Demonstration Centre chu siam niin tun thla ni 5-a hawn a nih atangin nimin thleng khan mi 190 ten Vote an thlak chhin tawh a, EVM Demonstration Centre hi Thenzawl leh North Vanlaiphai-ah te pawh SDO (Civil) te hmalakna in siam tura ruahman a ni a, karleh lam khian kalpui tan tum niin Assembly inthlanpui neih a nih hma chuan kalpui tur a ni ang.

EVM Demonstration Centre hawn ruala kalpui tan Mobile Demonstration Van hmangin Serchhip District chhung hmun hrang hrangah EVM hman dan inzirtirna hi neih chhoh mek a ni bawk a, Govt. Serchhip College bakah DIET Serchhip-ah te Mobile Demonstration Van hi kalchhuahpui ni tawhin Govt. Serchhip College ah hian mi 250 leh DIET Serchhip-ah mi 100 velin vote an thlak chhin tawh a. Mobile Demonstration Van hmang hian inthlanpui neih hun tur puan a nih hmain Serchhip District chhunga Polling Station zawng zawng tuamchhuah hman tum a ni bawk.

Comments

Popular News (Last 30 Days)

Vawiin-ah HSSLC Exam result

LPG man bithliah thar