North Vanlaiphai-ah MPF Political Seminar neih a ni
N. Vanlaiphai Kohhran Harhna Centenary Hall-a Political Seminar hi chawhma lamah MPF North Vanlaiphai Local Forum President Rev. Jehu Laldintluanga chuan kaihruaiin 'Ram rorelna tha nei turin dikna, rinawmna, huaisenna kan neih a tul' tih thupui hmanga Rev. Dr. K. Lallawmzuala thuziak chu Resource Person kaihhruaina hnuaiah zirho a ni a, MPF-a Vice President Rev. C. Vanlalmalsawma kaih-hruaia chawhnu lam hun hman ah MPF leh Political Party-te thawhhona thuthlung zirho a ni bawk.
Nimin-a Political Seminar-ah hian MPF General Secretary Rev. Lalramliana Pachuau chuan inthlan boruak sang tak awm thei ah MPF-in huaisen taka hma an lak leh chumi atana intih chak thar a pawimawh thu a sawi a, kumin ah pawh MPF in hmalâkna tur tam tak a neih thu te, MPF hi Party te nena thawkho a nih thu te sawiin, MPF leh Political Party te thawhhona thuthlung lo pian dân tlângpui a sawi bawk. Nimin-a he hun hmanna ah hian MPF hruitute bakah tlawmngai pawl leh Political Party hrang hrang aiawhte pawh an tel a ni.