Sum tihchingpen thubuai-ah thiamloh chantir

Aizawl District Court-a Special Judge (Prevention of Corruption Act) Dr. HTC. Lalrinchhana chuan cheng nuai 8.56 tihchingpen thubuai ah nimin khan thiamloh a chantir.

Kum 1995-1997 chhung khan Telecom Department-a Officer-te Swapan Kumar Bose (L), Krishna Brata Som (L) leh Subhrendu Deb Roy-te chuan K Sena (L) thurualpuiin Aizawl khawpui chhunga Telephone hrui thlunna turah dan ang ni lo a felhlel taka hna an thawhnaah sawrkarin sum Rs. 8,56,112 a hloh ni a chhut a ni a. Hemi chungchangah hian K. Sena hi CBI lam in an chhui laia boralin Swapan Kumar Bose lakah thutling a hmuh loh avangin Court chuan a lo chhuah fihlim (discharged) tawh a, midang pakhat Krishna Brata Som hi a boral tawh bawk avangin Court chuan Feb. 8, 2016 khan Subhrendu Deb Roy-a lakah thubuai a siamsak a ni.

CBI lamin thubuai an chhuina lama an hmuhchhuah angin Court-ah hian anni ho hi dan bawhchhe tura inthurual tlang in M/s Rova Engineering Works, M/s MK Battery Works, M/s SR Works, M/s Eric Automobile Service leh M/s KL Steel Fabrication-te quatation lehkha lem hmanga pawisa tih chingpenna leh uchuaka rate sanga hnain thawhtirna te chu CBI lam hian Court-ah an finfiahah ngaiin a la dam awmchhun Subhrendu Deb Roy hi thiamloh a chantir a, midang buma puhna thubuaiah chuan finfiahna tha tawk awm loa ngaiin thiam chantir a ni thung. Subhrendu Deb Roy hi Jail-ah dahin Vawiin ah hremna pek tur puan a ni ang.