Sum siamna atana zirna In sak pawi tih thu sawi

Zoram Peoples Movement (ZPM) Thalai chuan MNF sawrkâr hnuaiah sum siamna atâna zirna In sak a ni thin chu pawi an tih thu an sawi.

Nimin-a Aizawl Press Club-a thuthar thehdarhtute an kawmna ah ZPM Thalai Vice President Zoramchhana Sailo chuan Govt. Mizoram Law College sak mêk chu a hmunah kalin kan endik thu leh a sak dan leh an hmanraw hman te chu a lungawithlak loh hle niin a sawi a. Govt. Mizoram Law College-ah hian College danga an hman duh tawh loh Bus hlui tawng tak pakhat chiah a awm a, zirlaite'n harsatna tam tak an tawk thin tih hriatchhuah a nih thu a sawi bawk.

Govt. Mizoram Law College sak mek hi May 4, 2020 atanga chhiara thla 20 chhúnga sak zawh tur a nih blaiin, tun thlengin hna chanve pawh zawh a la ni lo tih ZPM Thalai chuan sawiin, chutih laia cheng nuai 117.96 chu a satute hnenah pekchhuah a ni tawh niin an sawi a, Engineer in a vil mumal lo chu thil fel lo tak a ni, an ti bawk. Govt. Mizoram Law College satu Sky Ridge Construction & Consultancy Services hian RUSA 2.0, component 9: Infrastructure Grants to College hnuaia hna 35 awmah hna 15 zet Restricted Tender hmangin an thawk nia sawi bawkin, thil rinhlelhawm tak inphumru a awm ngeia an rin thu an sawi bawk a ni.

Comments

Popular News (Last 30 Days)

Vawiin-ah HSSLC Exam result