Kolasib KVK ram theh tumna chungchang DC sawipui

Kolasib District MJA hruaitute chuan nimin khan District Bawrhsap John LT. Sanga kawmin Kolasib-a KVK ram mi thenkhat ten In hmun a theh tuma hma an lakna chungchang sawipuiin Kolasib DC chuan Sawrkar ram chu pawl in emaw mimalin emaw, duh duha laksak theih a nih loh thu a sawi.

Tunhnaia mi thenkhat ten KVK ram theh tuma Pek an khen chungchanga hmalak anih dan MJA Kolasib ten an sawipuina ah hian Kolasib DC chuan KVK ram chungchangah complaint a dawn avangin Magistrate tirin a enfiah tir tawh thu a sawi a. Sawrkar Department ram chu duh duh a chhuhsak ngawt theih a ni lo tih sawiin, Sawrkar ram awl a awm hian Land Pooling System hmangin Ram nei lo Department ah pek theih a ni a, mahse a neitu Department ten an remtihna lak a, Cabinet Approval neih a ngaih thu a sawi a. KVK Kolasib ram chu Social Welfare Department in Observation Home sakna atan an mamawh avangin GAD-ah a thlen thu a sawi bawk a ni.

MJA Kolasib hruaitute chuan KVK Kolasib tana khawtlang in a tira ram an pek chu 93Hactere a zau a nih thu te, mahse khawtlang tan hmun eng engemaw an pek thute, SIRD leh Fisheries Department tan an sahthlak then tawh avangin tunah hian an ram zau zawng hi a chian loh thu leh KVK hian Central Norms-ah a lo berah ram Hectare 25 an mamawh thu te an sawi lang ve bawk a ni.