SMC leh SMDC te tan Training buatsaih a ni

Serchhip District chhunga zirna In hrang hranga School Management Committee (SMC) leh School Management and Development Committee (SMDC) te tan nimin khan Serchhip Auditorium-ah Training buatsaih a ni.

Samagra Shiksha Mizoram leh Evangelical Teachers Fellowship, Mizoram te tangkawp buatsaih ‘Social Transformation through Education’ tih thupui hmanga he Training hi Samagra Shiksha, Serchhip District-a Deputy District Project Coordinator R. Lalawmpuia chuan kaihruaiin Resource Person atan Dr. Lalsangliani, Associate Professor (Rtd) HBC, F. Lallura, Former Director, School Education leh C. Januari, Headmistress, Govt. Maubawk H/S te hman an ni a, he hunah hian Serchhip District chhunga sawrkar enkawl High School, Middle School leh Primary School-a Headmaster, SMC leh SMDC aiawh bakah NGO aiawhte an tel a, Serchhip-a BRC Coordinator (BRCC) J. Lalmuanpuia chuan SMC pawimawhna a sawi bawk a ni.