MHIP ten Bawrhsap an thlah

Serchhip District Bawrhsap kalchhuak tur Nazuk Kumar IAS chu nimin tlai khan MHIP Sub-Hqrs. Serchhip chuan a Pisa-ah thlahna hun an hmang.
Bawrhsap kalchhuak tur thlahna hunah hian MHIP Sub-Hqrs. Serchhip hruaitute chuan DC kalchhuak tur chu an ui thu sawiin, a kaihhruaina hnuaia thawhhona tha tak an nei thin chu lawm-awm an tih thu an sawi a, Bawrhsap thlahna atan hian an pawl aiawhin Vice President Sanghming-liani chuan thlahna thilpek a hlan a ni.

He hunah hian District Bawrhsap chuan Serchhip District-a kum khat leh a chanve vel a awm chhunga MHIP te nen thawhhona tha tak an nei chu lawmawm a tih thu sawiin, midangte tana malsawmna lo ni zui zel turin MHIP te chu a chah bawk. Bawrhsap hian tunkar tawp-ah emaw khian Addl. DC hnenah mawhphurhna hlanin Aizawl a pan dawn a ni.