RKVY hnuaiah Sangha khawi chungchang zirho a ni
Serchhip Press Club-a he zirhona neih hi Serchhip DFDO Lucy Lalrinpuii chuan kaihruaiin he training hi Rashtriya Krishi Vikas Yojana (RKVY) 2020-2021 hnuaia neih a nih thu a sawi a, amaherawh chu COVID-19 avanga harsatna a thlen hnuah sum an hmuh theih tak loh avang leh hri leng avanga punkhawm te neih theih a nih tak loh avangin a hun takah neih theih a ni ta lo tih a sawi a. An department chuan hetiang training hi a tam thei ang ber neih duh mah se sum lama harsatna te a awm thin avanga duh anga zinga neih theih a nih loh thu leh training an buat-saih ah erawh Sangha khawitu a tam thei ang berin an chhawr tangkai theihna tura ruahmanna an siam thu te a sawi bawk.
He training-ah hian Serchhip District chhunga khaw 9 atangin Sangha khawitu mi 32 tel tura koh niin Fisheries Demonstrator (FD) Lalmal-sawma chuan Sangha khawitute tana KCC Loan lak theih dan leh Sangha Dil tha siam tura Sangha Dil siam dan turte zirtirin, KCC Loan chu a duh apiang tana lak ngawt theih a nih loh thu leh Department lam pawhin an zirchian hmasak a tul thu te a sawi a. Lalropara Asst. Fisheries Officer (AFO) chuan Sangha Dil-a Sangha note dah dan leh a enkawl dan a zirtir bakah Chanchinmawia AFO chuan Sangha Dil enkawl zui dan leh hriat tur pawimawh dangte a zirtir a, hemi hnu hian sawihona leh zawhna leh chhanna hun hmangin Sangha Dil neitu ten harsatna an neih hrang hrang sutkian dan turte sawiho a ni bawk.
Comments
Post a Comment