Serchhip tuilakna enfiah

Mizoram khawpui hrang hranga PHE Department-in mipuite tana tui a lâkte enfiah tura din, Inspection team chuan nimin khan PHE Department-in Serchhip mipuite tana Tuikum lui tui a lakna hmun an enfiah.
PHE Department chuan tun thla ni 12 khan an Department-a SE Er. Lalrinzuala Ralte kaihhruaina hnuaiah 'Inspection Team' hi dinin Member atan Er. Dr. ZR. Thasangzuala, EE (P), Chief Engineer Zone-I; Er. Samuel LR. Ralte, SDO, Serchhip leh Lalngaihawma, Chief Chemist, SRI te ruat an ni a. Mizoram khawpui hrang hrang tana tuilakna luite a nut nasat lutuk leh bawlhhlawh lutuk vanga Water Treatment Plant-a tui sawngbawl dan (tui an tihfim dan etc) leh Pumping Station-te leh tuilak enkawltute harsatnate zirchiang tura tih an ni.


Heng Inspection Team te hian tunkar Thawhlehni khan Saitual tuilakna enfiahin hemi hnu hian Khawzawl leh Champhai tuilakna te an enfiah leh a, nimin khan PHE Department in Ser-chhip tana tui an lakna, Tuikum lui enfiah lehin Serchhip mipuite tana tui lak dan kalphung chu endiktute hian a tha hle tih an sawi a, hemi hnu hian Thenzawl mipuite tana tuilakna Vanva lui a tui pump-na hmun an tlawh leh bawk a ni.

Inspection Team-a Member, Er. Samuel LR. Ralte chuan District khawpui hrang hrangte tuilakna an la enfiah dawn thu LENKAWL hrilhin khawpui (Urban Town) harsatna nei te pawh an la enfiah dawn thu a sawi a. An zirchianna report hi PHE Department hotuten an la thlirho leh dawn a ni.

Comments

Popular News (Last 30 Days)

Vawiin-ah HSSLC Exam result

LPG man bithliah thar