Serchhip END ten kumin ah ruihhlo man tam
Serchhip-a Excise & Narcotics Department hotu ten LENKAWL an hrilh danin kumin kum chanve (January to June) chhung khan Serchhip-a END hian Heroin No. 4 nia hriat hi kg. 1.821 man tawhin hemi chhung hian Ganja pawh kg. 2.01 an man bawk a, heng thil kaihhnawih ah hian ND&PS Act 1985 hnuaiah thubuai 36 ziahluh niin mi 45 an man bawk a ni.
Kumin kum chanve chhung vek hian Serchhip-a END hian Rakzu litre 1147.89 man tawhin Zu bilhlai tin 382 an man tawh bawk a, Sapzu (IMFL) kum puitling 177 bakah Champwine litre 16 leh Beer (Canned) pahnih an man tawh bawk a, Zu siamna bel 26 manin heng kaihhnawih ah hian lirthei ke pahnih nei pahnih leh LMV 3 an man tawh bawk a, MLP Act 2019 hnuaiah thubuai 140 ziahluh niin mi 127 an man tawh bawk a ni.
Excise & Narcotics Department hotute chuan Zu leh ruihhlo hmansual avanga thihna thleng pawh an chhinchhiah ve thu sawiin, kumin kum chanve chhung hian Zu vanga thi mi 10 an awm tawh thu leh damdawi (ruihhlo) hmansual avanga thi mi pahnih an awm thu an sawi a, heng te hi Serchhip Town chhung bakah Thenzawl a mi te an ni ber tih sawiin, engemaw avanga chhinchhiah loh palh te pawh a awm theih thu an sawi bawk a ni.
Comments
Post a Comment