Ram neitu ten Serchhip by-pass Road an dang leh

National Highway-54 kawngpui in Serchhip a helna tura ram neitute chuan Serchhip by-pass Road chu Inrinni kalta, July 8, 2023 atang khan thiamchin awm lovin an dang chhunzawm leh.
Hemi chungchangah hian Serchhip by-pass Road a ram neitute chuan zangnadawmna an hmuh tur ang tihfel a nih theih loh avanga Serchhip by-pass Road an dan hnuah June 21, 2023-a Serchhip DC kaihhruaina hnuaia Meeting an neih ah NHI-DCL ten July 7, 2023 thleng nghak tur leh an kawng dan pawh titawp lailawk tura an ngen thu sawiin, hemi chhunga zangnadawmna hi tihfel a nih loh chuan kawng dan chhunzawm an rem tihpui bawk tih an sawi a. An intiam anga kawng dan tihtawp a nih hnuah an huntiam chhuanga zangnadawmna hi tihfel a nih leh tak loh avangin July 8, 2023 atang khan tiamchin awm lova he kawng hi an dan leh tak thu an sawi a ni.

Helai hmuna ram neitute chuan sawrkar hmalakna tithuanawp zawnga hmalak leh mipui tana harsatna thlentu nih chu an duhlo takzet tih sawiin, amaherawh chu an chanvo chang ngei tura Company an nawr theihna kawng awmchhun nia ngaiin kawng hi an dang chhunzawm leh ta tih an sawi bawk.