Sawrkar hnathawh leh thil tihthat mipuiin an hria tih sawi

MNF Adviser Prof. F. Lalnunmawia MLA chuan MNF kaihhruai sawrkar hnathawh leh thil tihthat te chu mipuiin an hria niin a sawi.

Nimin a MNF in Aizawl Mizo Hnam Run-a Chhung Inkhawm an neih ah Prof. F. Lalnunmawia chuan mi thenkhatten sawrkar leh an hotute thu belhchian dawl lo hmanga beiin sawisel thin mah se, thudik chu a lo lang chhuak leh thin tih a sawi a, “COVID-19 hrileng vanga kum 3 vel chauh a taka hna thawhna hun kan nei chungin 2018-a kan Election Manifesto pawh a theih chin chu kan ti hlawhtling hnem hle. Heng kan sawrkar hnathawh leh thiltih thatte mipuiin an hria a ni,” tiin “Kan hnathawh kal lai mek leh kan hmachhawpte ti puitling turte, SEDP kalpui chhunzawm thei turte in Zoram mipuiin hnathawhna hun tha dang min pe leh ngeiin ka ring,” a ti bawk.

MNF Adviser chuan kumin kumtawp inthlan lo awm turah MNF chuan sawrkar chhunzawm leh tura chance an neih that thu pawh sawiin, “Tun dinhmunah Mizorama party ruhrel lian ber kan ni a, kan khingpui opposition ten kan sawrkar beihna tur issue lian tham an nei lo a, NGO-te pawh sawrkar laka lungawilohna lian tham nei an awm lo. Tin, kan party chhungkua ah buaina leh innghirnghona kan neih loh bakah kan party Hqrs. hruaitu lungawi lo leh chhuak tau an awm lo,” a ti bawk.

Comments

Popular News (Last 30 Days)

Bawngchawm tlang khualbuk rawktu nia hriat mi 2 man