Sahuan-a ramdang Sava bo chhuizui mek a ni

Tunhnaia Aizawl Sahuan atanga ramdang Sava (Lears Macaw) bo chungchangah hnathawktute an inhnamhnawih em tih enzui mek niin Police Station-ah FIR thehluh a ni tawh bawk.

Sava bo chungchanga zawhna chhangin Aizawl Wildlife Division-a Dy. Conservator of Forest, PC. Laltanpuia chuan, sava bo chungchangah hian Sairang Police Station-ah FIR thehluh a nih bakah an mi leh sa te an inhnamhnawih em tih an enzui mek tih a sawi a, sava a bo hnu hian thawktute pawh indaih lo chungin tlaivar in a inchhawk-a duty tir an ni a, hetiang thil hi a thlen zui tawh lo nan theithawp an chhuah zui nghal tih a sawi.  

PC. Laltanpuia chuan, sava bo ta an dahna hmun chu hmun ualau lo tak, kawng atanga pawha lang thei lo leh a hmun hre sa lo tan a awm tih pawh hriat harsa tak a nih thu sawiin, heti chunga a bo chu thil thil mak tak a ni, a ti a. Tunhma in Aizawl Sahuan-a dah ramdang Sava bo a lo awm tawh thin thu pawh sawiin, ramchhung a mi erawh bo ala awm loh thu leh hetiang thil thleng hi Department tan pawh a hmingchhiat thlak avangin a thlen nawn tawh loh a beisei thu pawh a sawi bawk.