Ramri chungchanga Assam leh Mizoram State inbiakna neih leh hun tur ruat a la ni lo

Home Minister Lalchamliana chuan Mizoram leh Assam ramri-a khaw 62 te chu Mizoram ramri huamchina awm anih thu sawiin, ramri buaina chungchanga State pahnih aiawhte inbiakna neih leh hun tur chu ruat la ni lo mah se thil hrang hrangah erawh chuan inbiakpawh reng a nih thu a sawi thung.

Home Minister Lalchamliana hian Mizoram leh Assam ramri-a khaw 62 te chu Bengal Eastern Frontier Regulation (BEFR) 1875-ah chuan Mizoram in a huam chin anga tarlan a nih thu sawiin, Mizoram chuan BEFR hnuaia Inner Line Reserved Forest square miles 509 chu ramri ah a pawm a nih thu a sawi a. Hetihlai hian Assam erawh chuan kum 1933-a India Map Survey anga ramri chu a Constitutional Bboundary a nih thu a sawi thung a. Home Minister Lalchamliana sawi danin Mizoram in a huamchin khaw 62 te chu February thla khan Assam sawrkarah thehluh a ni a, Assam sawrkar lamin an chhanletna an nghak mek a. Ramri chungchanga State pahnih te inbiak hun chu ruat ala ni lo a ti a, hetihlai hian State 2 te hian thil hrang hrangah online hmangin an inbe pawp reng tih a sawi bawk.

State pahnih te hian kum 2021 atang khan ramri chungchang sawifel tur hian inbiakna an nei tan a, nikum November thlaa Guwahati-a ramri chungchanga inbiakna hnuhnung berah State pahnihte hian Mizoram in a thusawi thlawp turin thla thum (3) chhungin khaw hrang hrang, an awmna hmun, a huam chin leh mipui chengte leh a kaih-hnawih pawimawh dang te pe tura rel a ni a, heng te hi State pahnih atanga Regional Committee din chuan an sawidun dawn a ni.

Hemi bawhzui tur hian kumin January thla khan Mizoram sawrkar chuan Study Group dinin he Study Group hian Assam hnenah an duhdan an lo thlen tawh a. Amaherawh chu hei hi chhanna la awm lovin State pahnihte ramri buaina hi hun rei tak atanga lo awm tawh a ni a, State pahnih Chief Minister te pawhin tum hnih sawi dun tawh mah se chinfel erawh ala ni lo a ni.

Comments

Popular News (Last 30 Days)

LPG man bithliah thar