Raltlan rawn lut tlem zel

Central YMA-in Manipur buaina avanga sahimna zawnga Mizoram-a rawn lut te tana Transit Camp an ruahman, Central YMA Office-a mi 500 chuang in an pan tawh a, heng Manipur atanga raltlan rawn lut te hi a tlangpuiin Lamka leh a chhehvela mi te niin Transit Camp atang hian khawpui chhunga Branch hrang hrangah sem darh leh thin an ni a, tun dinhmunah Vaivakawn, Chanmari, Mission Veng, Mission Vengthlang, Hlimen, Tuikhuahtlang, Armed, Electric Veng leh Kulikawn Veng-ah te sem an ni tawh a ni. Mizoram-a raltlan rawn lut zinga thenkhat te chu Manipur-ah an let leh tawh nia thudawn niin a then erawh phai lama lehkha zir chhunzawm turin an kal thung a, hei bakah hian Manipur sawr-karin Class IX chin chunglam te sikul luh tur tia hriattirna a chhuah avangin haw chho an awm nual bawk a. Raltlan rawn lut hi an tlem hret hret nia thudawn a ni bawk.