Crystal Meth ni ngeia hriat Kolasib District-ah man

Kolasib-a Excise & Narcotic Department, BSF leh Kolasib Venglai Branch YMA Kumpuan Duty te chuan Zirtawpni khan Crystal Meth ni ngeia hriat chu Bairabi Road Zero point-ah an man a, heng ruihhlo te hi Mamit District Tuipuibari atangin Bru nia hriat mi 6 in Bike pakhat leh Alto Car hmanga rawn phurin Bairabi Road Zero Point-a an inhlanchhawn dawn laiin an man a, ruihhlo rawn kengtu mi 6 zinga 4 chu tlanchhe hmanin mi pahnih, Tuipuibari khua nia insawi te chu man an ni. Ruihhlo hi Crystal Meth ni a rin niin, Gram 734.78 a rit a ni a, ruihhlo neitu ni a in chhal Bidroham chuan cheng nuai 30 a hralh turin a leitu turte nen a inbe felin Bairabi Road Zero Point-ah in hlanchhawng tura kal an nih thu a sawi a, ruihhlo hi Bangladesh lam atanga rawn lut anih a rin thu a sawi bawk.