Minister in hnathawh enfiah

National Highway-6 Dulte leh Champhai inkar siam hna SBCC in an thawh mek chu Inrinni khan Transport Minister TJ. Lalnuntluanga chuan a hmunah tlawhin kawng siam mek dinhmun chu hnathawktute nen an en a. Minister chuan Cham-phai mipuite'n an nghahhlelh em em NH-6 kawngpui siam hna chu zawhfel thuai a nih theih nana chak taka thawk tur leh hna tlo leh tha, ram tana rotling tak hnutchhiah tum turin Company-te chu a hrilh a, hetihrual hian Environment dan ngai pawimawh turin a chah bawk. Kawng siamtute chuan kumin Furpui a zawh hunah Khawzawl leh Champhai inkar kawngpui siam mek chu zawhfel hman an tum thu Minister hi an hrilh a ni.