MNF Party in hma a sawn mek niin sawi

Mizo National Front (MNF) Media & Publicity Department chuan MNF in hma a sawn mek laiin Congress party leh ZPM party bansan an intih hmuh nasa hle niin an sawi.

Inrinni khan Aizawl Press Club-ah MNF Media & Publicity Department General Secretary VL. Kros-hnehzova chuan thuthar thehdarhtute kawmin Inthlanpui kum thlengin party hrang hrangte pawh an insingsak mek thu leh an thiam leh theih ang angin an inbuatsaih mek tih sawiin, “Hetiang a nih lai hian MNF Party chuan hmasawnna duhawm tak a nei mek zel a. ZPM, Congress bakah party tenau dang leh neutral atangin nitin mithar duhawm tak tak kan neih belh zel a. Sawrkar leh ngei turin MNF chuan hmalam a pan zel a, Zoram mipuiin kan Chief Minister zahawm tak Pu Zoramthanga kaihhruai Mizo National Front chu sawrkar leh tir an tum tih a lang chiang ta hle a ni,” a ti a. MNF party chuan May 25, 2023 July 7, 2023 inkar chhung ringawt khan Zoram hmun hrang hrangah Congress, ZPM, BJP leh neutral atangin voter 10757 an lawmlut tih sawiin, “Lawmluhte hi fimkhur tak leh dik thei ang ber tura Hnam Run Publicity Department-in kan chhinchhiah an ni a. Heti taka MNF party-in bawh a hlawh hi MNF sawrkar-ah mipuiin rinna an nghat tih a lang chiang a. MNF President leh Chief Minister ni bawk Zoramthanga chungah mipuiin rinna an nghah zia a lang chiang hle a ni,” a ti bawk.

Comments

Popular News (Last 30 Days)

LPG man bithliah thar