Doctor ten Vawiin atangin badge dum bel dawn

Mizoram Govt. Doctors' Association (Mizoram Health Service) member-te chuan Vawiin (July 10) leh naktuk July 11, 2023 hian an hnathawhna hmun theuhah lungawi loh lantirin Badge dum an bel dawn.

Doctor te hnen atanga thu kan dawn danin Sawrkar din, Addl. CS Chairman na hnuaia sawrkar Department hotu lawkte telna 'MHS Restructuring Committee' in kum khat kaltaa recommendation a siam tawhte tun thlenga a la hlawhtlin loh avanga an lungawi lohna entirna atana badge dum hi bel tum a ni a. Committee-in a recommend tawhte chu tihlawhtling thuai tura sawrkar chu an ngen thu leh Sawrkar atanga hmalakna lawmawm an hmuh loh chuan July ni 13-15, 2023 hian sawrkar a thawk Doctor zawng zawngin a huho-a chawlh (Mass Casual Leave) lak an tum thu an sawi bawk a ni.

MGDA hruaitute chuan Mizoram Health Service hmasawnna tur atana thil tul zualte chu sawrkarah MGDA in chuan an thlen thin tih sawiin, MHS Restructuring na tura MGDA thilphut leh Committee-in a recommend takte hi hlawh tihsanna lam tur thu a ni lo nia sawiin, “Sawrkar pachhhiat rawk rawkna thlen tur thil a ni lo,” an ti a ni.