MJA ten DIPRO an thlah

MJA Serchhip District chuan Serchhip District Information and Public Relations Officer Pu K. Saitluanga Deputy Director I&PR chu Aizawl a sawn a nih tak avangin nimin tlai khan Serchhip Press Club-ah a thlahna hun an hmang.
MJA ten Serchhip DIPRO an thlahna hun hi MJA (SD) Vice President C. Ramengmawia chuan kai-hruaiin MJA Serchhip District President C. Lalhminghlua chuan Serchhip District-a kum 7 vel K. Saitluanga a awm chhunga thawhhona tha tak an nei chu lawmawm an tih thu leh Serchhip District tana hma a lakna hrang hrang te chu lawm-awm a tih thu a sawi a. Media mi te tan I&PR chu Nodal Department an nih angin thawhhona tha tak an neih zel a beisei thu leh chhungkua an nih anga inpawhtlang taka an thawhho thinna te chu lawmawm a tih thu a sawi bawk.


Serchhip DIPRO kalchhuak tur K. Saitluanga chuan kum 2016 May thla khan Ser-chhip-ah DIPRO hna a rawn chelh tan thu sawiin, MJA te nen thawhhona tha tak an nei chu lawm-awm a tih thu leh Serchhip-a a awm chhungin sawrkar hmalakna hrang hrang tlawha MJA te nen zinchhuahna te neia boruak tha tak hnuaia hma an lak hona te chu lawmawm a tih thu a sawi a. Sawrkar kalphung ah Aizawl lama awm a tul ve tak avanga sawn a nih tak dan te sawiin, Serchhip-a a awm chhunga hna an thawhho dan hrang hrangte a saw bawk.

Nimin-a he hun hmanna ah hian MJA Serchhip District aiawhin Treasurer Lalremruata Ralte chuan Serchhip DIPRO kalchhuak tur hi thlahna thilpek hlanin MJA Member ten DIPRO kalchhuak tur thlahna thu te an sawi bawk a ni.

Comments

Popular News (Last 30 Days)

Vawiin-ah HSSLC Exam result