Mizoram MP in Manipur chungchang sawi zel la tum

Mizoram Lok Sabha MP C. Lalrosanga chuan Parliament Fur thutkhawm ni thumna ah pawh thukhawm hleithei lovin House rorel inkhawm thtawp ni mahse Manipur-a buaina thleng chungchang chu sawichhuah a la tum zel tho tih a sawi.

Rule 56 dan anga Adjournment Motion putluh tumtu Lok Sabha MP C. Lalrosanga chuan sawrkar lamin Manipur buai chungchang hi sawiho an remtih thu sawi mah se eptu lamte nen sawiho an duh dan a inrem theih si loh avang leh Prime Minister ngeiin House chhungah Manipur chungchang hi sawi rawh se ti a an phut tlat bawk si avangin nimin lamah pawh eptu lam ten House rorelna kal hleithei lovin an siam tih sawiin, Thawhlehni chawhma dar 11:00 thleng House thutkhawm an titawp leh a. Manipur chungchang sawihona hun siam tura Adjournment Motion putluh tuma Speaker hnena Notice petu Lok Sabha Member C. Lalrosanga hian Manipura buaina thleng chungchang hi sawichhuah a la tum zel tho tih a sawi a ni.

Manipur buai chungchang sawiho tura Adjournment Motion hi MP dangte pawhin putluh tumin Notice pe ve tho mah se pawm a ni ta lo a. NDA member zingah Mizoram MP te pahnih bak adjournment notice pe an awm hriat a ni lo.

Comments

Popular News (Last 30 Days)

Vawiin-ah HSLC result

Vawiin-ah HSSLC Exam result