Damchhung tang tur tlanchhuak man leh nghal a ni

Tualthah thubuai avanga damchhung-a lung In tang tura Court in kumin June 20-a a chungthu a rel Tungsianmuanga (41), Hnahlan chu nimin zing dar 9:30 vel khan Champhai District Jail atangin a tlanchhuak a, nzian zantir lam khan man leh nghal a ni.

Thulakna in a tarlan danin Tungsianmuanga hi June 23, 2021 khan Bawngtuthlawh hmanga a nau a thah avangin Court chuan thiamloh a chantir a, hun engemaw chen Bail a chhuah a nih hnuah a chungthu rel a nih dawn hian Jail-ah dah leh a ni a. June 20, 2023 khan Court chuan damchhung tang turin a chungthu a rel sak a ni. Champhai District Jail-a thawktute chuan Jail chhunga bawlhhlawh te chu Motor-a paih tir thin an nih thu sawiin, nimin zing khan Motor hi kalin bawlhhlawh an dahkhawm te chu Main Gate-ah an lachhuak a, hethlai hian Tungsianmuanga hi bawlhhlawh keng-a kalin Gate a chhuah rualin a tlanchhuak ta niin an sawi.

Tungsianmuanga tlanchhuah hnu hian Champhai Police Station-ah FIR thehluh nghal niin ngawrh taka zawn nghal a ni a, nizan dar 6:15 vel khan Champhai Dinthar Veng-ah manin Jail-ah khung leh nghal a ni.

Comments

Popular News (Last 30 Days)

Vawiin-ah HSSLC Exam result

LPG man bithliah thar