Minister in inentirna hawng

Nimin khan Khawzawl District Hospital-ah Remna Ni pual Health Clinic neih niin Health Minister Dr. R. Lalthangliana chuan a hawng a, Aizawl leh Champhai atangin thiamna bik nei Doctor mi 10 ten damlo te enin Dr. Lalthlengliani, Joint Director DHME chuan a ho a, damlo te hnenah a thlawnin an mamawh damdawi te bialtu MLA leh Deputy Chief Minister Tawnluia ruahman angin pek an ni bawk. Nimin-a Health Clinic hawnna ah hian Dr. R. Lalthangliana chuan Hriselna tha mipuiin kan neih theih nan sawrkarin theihtawp chhuahin hma a la mek zel tih sawiin, “Mipuite pawhin an tana sawrkar hmalakna hi an thlawp tlat a, an tawiawm a tul a, hei bakah hian kan lo hrisel lehzual nan faina leh thianghlimna kawngah tan kan lak lehzual a ngai a ni,” a ti bawk.